Turan İsa qızı Zəkəriyəyeva 1998-ci ildə Şəmkir rayonu İ.Məmmədov adına Qapanlı kənd orta məktəbindən əla qiymətlərlə məzun olub. Bakalavr təhsilini Bakı Dövlət Universiteti filologiya fakültəsində fərqlənmə diplomu ilə başa vurub, magistr dərəcəsini isə Sumqayıt Dövlət Universitetində alıb. Azərbaycan Respublikası Təhsil İnstitutunda filologiya üzrə doktorant təhsili alır. 2006-cı ildən etibarən Bakı şəhərində müxtəlif özəl məktəblərdə Azərbaycan dili və ədəbiyyatı fənnini tədris etmiş, ana dilinin təmizliyi, bədii irsimizin tədrisi və təbliği yolunda həvəslə çalışmışdır. Bu illər ərzində eyni zamanda abituriyentlərə ali məktəbə hazırlıq, ixtisas seçimi və karyera planlaması sahəsində dəstək olmuşdur. Pedaqoji fəaliyyəti dövründə yerli və xarici şagirdlərə dil və ədəbiyyatın fərqli beynəlxalq proqramlarla tədrisi ilə məşğul olmuş, inteqrativ dərslərin təşkili üzrə koordinatorluq etmişdir. Peşəkar inkişafla bağlı bir çox beynəlxalq konfranslarda iştirak etmiş, təlimlərə qoşulmuşdur.
