Beynəlxalq Fermat Riyaziyyat Olimpiadası üzrə qızıl medal!

ADA Məktəbinin şagirdi Həbib Əmiraslanov Vyetnamda keçirilən 2023-2024-cü il Fermat Riyaziyyat Olimpiadasının qalibi olub.

 

Birinci ölkə turunda 88 bal toplayan və qızıl medala layiq görülən Həbib Vyetnamda keçirilən final mərhələsində birinci olmaqla daha bir qızıl medal qazanıb. Əsasən Mərkəzi Asiya ölkələri olmaqla 11 ölkədən 100-dən çox şagirdin iştirak etdiyi müsabiqədə iştirakçılara riyazi bacarıqlarını yoxlamaq üçün 20 yazılı sual təqdim olunub.

 

Ölkəmizə qızıl medal gətirən Həbib bildirib: “Qazandığım bu uğura görə ADA Məktəbinin riyaziyyat müəllimlərinə minnətdaram. Onların mənə göstərdiyi dəstək və verdikləri təhsil mənim yalnız riyazi bacarıqlarımı artırmayıb, həm də daim yeni biliklər öyrənməyə həvəsləndirib”.