Regionşünaslıq ixtisası (Afrika üzrə)

İxtisasın təsviri

   İxtisasın tədris olunduğu dörd il ərzində Afrika ilə bağlı fənlərdən başqa, xarici-dil, Azərbaycan mədəniyyəti, Beynəlxalq təşkilatlar, Dünya siyasəti, Beynəlxalq münasibətlər nəzəriyyəsi kimi ümumi fənnlər də keçirilir. İxtisas fənnlərinə gəldikdə, buraya Afrika  ölkələrinin etnoqrafiyası, siyasi sistemi, sosial təhlükəsizliyi, tarixi, dini, mədəniyyəti, mediası daxildir.

İxtisasın tarixi

  İkinci Dünya Müharibəsindən sonra “Regionşünaslıq” bir sahə olaraq ABŞ -da geniş yayılmağa başlamışdır. İkinci Dünya Müharibəsindən əvvəl ABŞ-da  digər ölkələri öyrənən, araşdıran regionşünaslıq fakültələri çox az sayda idi, lakin müharibədən sonra ABŞ, Sovet İttifaqı və Çinə qarşı Soyuq müharibədə məğlub olmamaq üçün bu sahəyə xüsusi diqqət ayırmağa başladı. 

    Ölkəmizdə  Azərbaycan Dillər Universitetində Regionşünaslıq ixtisası 1998-ci ildən açılmışdır. 

Bu ixtisas sahibi nə işlə məşğul olur? (iş öhdəlikləri)

• ➝ Diplomatik nümayəndəlik və konsulluqlarda, beynəlxalq təşkilatların nümayəndəliklərində layihələrin, sazişlərin, diplomatik sənədlərin hazırlanması və lazımi qaydada icrası, beynəlxalq nümayəndə heyətlərinin müşayiəti;
• ➝ Beynəlxalq təşkilatlarla əməkdaşlıqda dövləti və ya şirkəti təmsil etmək;
• ➝ Şifahi və yazılı tərcüməçilik;
• ➝ Beynəlxalq əməkdaşlıq çərçivəsində tədbirlərin, görüşlərin təşkili;
• ➝ Region üzrə tədqiqat işlərinin aparılması;
• ➝ Dövlət Turizm agentliyində ölkəmizin  tanıdılması üçün   ixtisasın əhatə etdiyi region üzrə əsas hədəf bazarlarda daimi turizm nümayəndəliklərinin yaradılması üçün tədqiqatların aparılması, təkliflərin verilməsi, özəl turizm agentliklərində turizm sahəsi ilə bağlı  müvafiq işlərin görülməsi;
• ➝ Universitetlərdə, kurslarda ixtisasın əhatə etdiyi  sahələrin tədrisi.

Harada bu ixtisasa sahiblənmək olar?

•  ➝ Azərbaycan Dillər Universiteti

Bu ixtisas üzrə harada çalışmaq olar?

• ➝ Universitetlərdə (ixtisası üzrə magistr təhsili aldıqdan sonra müəllim kimi);
• ➝ Dövlət qurumlarında dövlət  qulluqçusu olaraq qurumların beynəlxalq əlaqələr şöbəsində;
• ➝ Diasporla İş üzrə Dövlət Komitəsində;
• ➝ “ASAN Viza” xidməti üzrə mütəxəssis kimi;
• ➝ Azərbaycan Dövlət Turizm Agentliyində, özəl turizm agentliklərində;
• ➝ Özəl şirkətlərdə;
• ➝ Diplomatik nümayəndəlik və konsulluqlarda, beynəlxalq təşkilatların nümayəndəliklərində.

Bu ixtisas üzrə lazım olan bilik və bacarıqlar (kompetensiyalar) 

•  ➝ Ərəb, fransız və ya ingilis dilini mükəmməl şəkildə bilmək;
• ➝ Yüksək coğrafi , tarixi, dil bilikləri, bu bilikləri mənimsəmə bacarığı;
• ➝ Kommunikasiya bacarıqlarının yüksək olması;
• ➝ Tolerantlıq;
• ➝ Tədqiqat bacarıqları;
• ➝ Məlumatı sürətli qavramaq, təhlil etmək və düzgün nəticə çıxarmaq bacarığı;
• ➝ İxtisasın əhatə etdiyi region üzrə baş verən müxtəlif xarakterli: iqtisadi, siyasi, ekoloji və. s proseslər barədə məlumatlılıq.

İxtisasın gələcəyi

  Dünyanın bütün ölkələri ilə qarşılıqlı surətdə faydalı əməkdaşlıq yaratmaq prinsiplərini rəhbər tutan ölkəmiz Afrika ölkələri ilə də bütün istiqamətlərdə sıx əlaqələr qurmaqda və bu əlaqələri genişləndirməkdə maraqlıdır. 

 Bu ixtisas məzunlarının sahə üzrə uğurlu karyera qurmalarında region üzrə rəsmi dillərdən ənz az ikisinə yüksək səviyyədə  yiyələnmələri həlledici rol oynayır.

Əmək haqqı

  Bu ixtisas üzrə məvaciblər fəaliyyət sahələrinə, peşə sahibinin bilik və bacarıqlarına görə fərqlənir. İxtisas üzrə minimum orta aylıq əmək haqqı isə 350-700 AZN aralığında dəyişir.