Qarabağ Universitetində təhsil alacaq tələbələr dövlət vəsati hesabına təhsil alacaqlar.

Xankəndi şəhərində fəaliyyət göstərəcək Qarabağ Universitetinin tələbələrinə təqaüd təyin olunacaq.

 

Bu barədə elm və təhsil nazirinin müavini İdris İsayev jurnalistlərə açıqlamasında deyib.

 

Onun sözlərinə görə, Xankəndi şəhərində fəaliyyət göstərəcək Qarabağ Universitetində tələbələr üçün yataqxananın olması nəzərdə tutulur: Ali təhsil müəssisəsində 70 nəfər işçi heyətinin olması planlaşdırılır. Universitetin bir neçə tədris korpusu olacaq. İlk mərhələdə tələbələr dövlət vəsaiti hesabına təhsil alacaqlar.

 

Bundan əlavə universitetdə bakalavr səviyyəsi üzrə 20 ixtisas tədris olunacaq. Növbəti mərhələdə 10 istiqamət üzrə ixtisaslar olacaq və ali təhsil müəssisəsində mərhələli şəkildə 10 min şəxsin təhsil alması nəzərdə tutulur.